Mic少:雷丁有鑊氣主場炒富咸

2017-05-16 05:17:11 来源:互联网
 
英超爭前4形勢激烈,英冠爭升班資格亦好緊湊;附加賽4強次回合,雷丁今晚返主場鬥富咸,雙方首回合打和1比1,但由於賽制唔計作客入球,所以今場稱得上重新開始。由荷蘭名宿史譚執教嘅雷丁,近10次主場出擊取得8勝2和,反觀富咸防守不穩,恐怕抵擋唔住主隊銳勢,Mic少認為3倍雷丁主勝值得捧場。
 
(周三凌晨2時45分開賽)
 
雷丁近10主場8勝2和
雷丁今季大部分時間於英冠位居前3位,水準非常穩定,首回合作客亦先開紀錄,可惜最終被逼和未能先下一城,但已顯示出雷丁實力,的確比富咸高些少。雷丁首回合贏唔到並唔緊要,皆因主場先至係佢哋食胡時候,雷丁近10場主場獲得8勝2和弗到漏,包括打和冠軍球隊紐卡素,今場要贏富咸機會相當樂觀。今季表現普通嘅富咸僅以聯賽第6位,掹車邊取得升班附加賽資格,佢哋近7場作客只有1場不失球,因為該仗對手係火力甚弱嘅包尾大幡洛達咸。今仗作客雷丁,如果富咸又係先失波嗰隊,恐怕難以再翻身。
 
流言情报